КӮШОНИЁН. Дар деҳаву маҳллаҳои Ҷамоати шаҳраки Бохтариёни ноҳияи Кӯшониён бо ҷалби аъзо ва ҷонибдорони ҲХДТ амалиёти умуминоҳиявӣ оид ба тоза намудани дохил ва атрофи қабристонҳо зери унвони “Рӯзи ёдоварӣ” баргузор шуд.
Ташаббуси ватандӯстонаи ҳизбиёнро сокинон бо хушнудӣ пазируфта, дар деҳаи худ ба ҳашари дастаҷамъона баромаданд. Иштирокдорони чорабинии ҳизбӣ дарахту ниҳолҳои гуногуни ороишиву сояафканро дар гирду атрофи оромгоҳҳо шинонида, ба тартиб дароварданд ва ҷўйборҳорои обгузарро аз партовҳо тоза карданд. Ин иқдоми неку созанда дар ҳудуди ноҳияи Кӯшониён идома дошта, корҳои созандагиву ободонӣ рӯз то рӯз вусъати тоза гирифта истодааст.
