АНДЕША. Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ҳуҷҷати стратегиест, ки дар он паҳлуҳои ҳаёти сиёсӣ, иқтисодӣ-иҷтимоии кишвар мавриди баррасӣ қарор гирифтаанд. Дар Паёми имсолаи Сарвари давлат ҳимояи манфиатҳои иқтисодиву иҷтимоӣ, амнияти кишвар, ҷалби сармояи хориҷӣ, фароҳам овардани шароити мусоиди иқтисодӣ иҷтимоӣ рушди устувори иқтисодиёт ва боз ҳам беҳтар шудани зиндагии мардум меҳвари асосии онро ташкил медиҳад. Махсусан вазъи мураккаби ҷаҳони муосир, паҳншавии бемории сироятии пандемия КОВИД-19 , ки тамоми сайёраро фаро гирифта, ба иқтисодиёти қариб ҳамаи кишварҳои дунё зарари калони молиявӣ расонид, ҳар як сокини ватанамонро водор месозад, ки ба ноил шудан ба дастовардҳои бештар аҳлона заҳмат намуда, иқтидори иқтисодии онро бештар намоем.
Паём ҳуҷҷати муҳим барои рушди минбаъдаи иқтисодиёти миллии кишвар буда, баланд бардоштани нерӯи инсонӣ, сатҳи маълумотнокӣ ва беҳтаршавии сифати зиндагии мардум меҳвари асосии онро ташкил медиҳад. Ҳукумати Ҷумҳурии Тоҷикистон дар сиёсати иҷтимоии худ дастгирии молиявии муассисаҳои ҳифзи иҷтимоӣ ва олилаҳои камбизоат, маъюбону эҳтиёҷмандон ҳамеша афзалият дошта, дар Паёми имсоли Сарвари кишварамон ғамхориҳо нисбати маъюбон ва гурӯҳҳои осебпазири ҷомеа боз як иқдоми башардӯстона зоҳир намуда, нафақаи кӯдакони маъюби то 18 сола ва нафақаи маъюбони гурӯҳи якум аз 20 то 50 фоиз аз 1-уми сентябр баланд бардошта шуд.
Тавассути татбиқи чорабиниҳои дастаҷаъмона дар бахшҳои гуногуни иқтисодиёти миллӣ, аз ҷумла саноат, энергетика, кишоварзӣ, маорифу тандурустӣ, ба шуғли доимӣ фаро гирифтани аҳолӣ, рушди соҳибкорӣ, ташкили ҷойҳои нави корӣ яке аз самтҳои ин ҳуҷҷати муҳим ба шумор меравад. Ташкили нави ҷойҳои корӣ, ворид намудани техналогияи муосир, дастгирии молистеҳсолкунандагони ватанӣ, инчунин ташкили корхонаҳои муштарак ҳамаҷониба дар Паём таъкид гардид.
Дар Паёми худ Пешвои миллатамон ба воқеият такя намуда, роҳҳои минбаъд ҳарчи бештар рушд намудани соҳаҳои хоҷагии халқ, беҳтару хубтар намудани зиндагии мардум, вазифагузорӣ намуда, барои амалишавии ҳадафҳои стратегии кишвар аз ҷониби Сарвари давлат мавриди таҳлили ҷиддӣ қарор гирифтанд.
Дар Паём доир ба ҳамаи бахшҳои ҳаёти ҷомеаи кишвар дар пайванди мантиқӣ бо назардошти шароити имрӯзаи ҷаҳони муосир мавриди таҳлил қарор гирифт. Таъкид шуд, ки дар доираи корҳои созандагиву ободонӣ ба муносибати истиқболи шоёни ҷашни 30- солагии Истиқлолияти давлатӣ сохтмон ва таъмиру тармими иншооти иҷтимоӣ, инчунин мушкилоти ҷойдошта, махсусан дар деҳот бояд ҳал карда шавад. Инчунин, зикр гардид, ки дар доираи эълон шудани соли 2018 Соли рушди сайёҳӣ ва ҳунарҳои мардумӣ шумораи сайёҳони ба Тоҷикистон ташрифоварда нисбат ба солҳои пешина афзоиш ёфт. Бинобар ҳамин ҳам барои расидан ба ҳадафҳои пешбиншуда Роҳбари давлат ҳифзи муҳити зистро яке аз роҳҳои асосии ҷалби сайёҳон , бо назардошти зарурияти инкишофи инфрасохтори деҳот солҳои 2019- 2021-ро “Солҳои рушди деҳот, сайёҳӣ ва ҳунарҳои мардумӣ“ эълон намуданд. Дар ҳақиқат Тоҷикистон бо табиати рангину манзараҳои дилфиребаш, барои роҳандозии намудҳои гуногуни сайёҳӣ, монанди сайёҳии экологӣ, табобатӣ, варзишию шикор ва кӯҳнавардӣ имкониятҳои васеъ дорад.
Муҳтавои Паёми имсолаи Президенти Ҷумҳурии Тоҷикистон бештар ба амну осоиштагӣ, татбиқи устувори барномаи ислоҳоти иқтисодӣ, ҷалби сармоягузорӣ бо мақсади рушди бахши хусусӣ ва баланд бардоштани самараи кӯшишҳои Ҳукумати Ҷумҳурии Тоҷикистон дар соҳаи хусусигардонӣ, густариши ислоҳоти бонкӣ ва суръат бахшидан ба ислоҳоти бахши инфрастуктура, инчунин мушкилоти меҳварӣ паст кардани сатҳи камбизоатӣ, таҷдиди корхонаҳои истеҳсолӣ, таъмини мардум бо заминро фаро гирифт.
Аз ҳамин хотир мо сокинони мамлакат мебояд, ки нисбат ба Ватани худ ба ҳамин сарзамини худ муҳаббат дошта бошем ва онро сидқан дӯст дорем, фирефтаи ҳар гуна гурӯҳҳои ифротӣ нашавем ва барои расидан ба ин мақсадҳои олӣ ва иҷрои дастуру супоришҳо бо ҳисси масъулиятшиносии баланд ва фаъолияти пурсамар, саҳми арзандаи худро гузорем. Танҳо меҳнати содиқонаву якдилонаи аҳли кишвар боиси шукуфоии бештари Ватани маҳбубамон ва сарфарозии миллати тоҷик дар назди ҷомеаи ҷаҳонӣ ва наслҳои оянда мегардад. Боварӣ дорем, ки бо иҷрои дастуру ҳидоятҳои Асосгузори сулҳу ваҳдати миллӣ- Пешвои миллат муҳтарам Эмомалӣ Раҳмон, ки дар Паём баён доштанд, ба ин ҳадафҳо мерасем.
Раҳмон Муродов, мудири шуъбаи таблиғот, иттилоот ва матбуоти КИ ҲХДТ дар ноҳияи Носири Хусрав
