ФАРХОР. Кормандони Кумитаи иҷроияи ҲХДТ дар ноҳияи Фархор бо зарардидагони офати табии деҳаи Сурхоби ҷамоати деҳоти Ғалаба мулоқот доир намуданд.
Ёдрас мешавем, ки бар асари боридани борони пуршиддати рӯзҳои 16-18- уми майи соли равон ба деҳаи Сурхоб, ки дар домани кӯҳ ҷойгир аст, сел ворид шуда, боиси хисороти молии сокинони деҳа гардидааст.
Масъулони ҳизб сокинони деҳаро ба сабру таҳҳаммул хонда, ба қадри имкон ба онҳо кӯмаки ғизоӣ расониданд.
Айни замон оқибатҳои офати табиӣ зери роҳбарии бевоситаи узви ҲХДТ, раиси ноҳия Вализода Сулаймон бартараф шуда истодааст.
