АНДЕША. «Бо мақсади идомаи тадбирҳои Ҳукумати мамлакат дар самти дастгирии давлатии гурӯҳҳои осебпазири аҳолӣ, пешниҳод менамоям, ки аз 1-уми сентябри соли 2021 нафақаи маъюбон аз синни кӯдакӣ, ки дар асоси қонунҳои Ҷумҳурии Тоҷикистон “Дар бораи таъмини нафақаи шаҳрвандони Ҷумҳурии Тоҷикистон” ва «Дар бораи нафақаҳои суғуртавӣ ва давлатӣ» таъйин шудааст, ба андозаи 20 фоиз зиёд карда шавад.
Нафақаи кӯдакони маъюби то 18 - сола, ки дар асоси Қонуни Ҷумҳурии Тоҷикистон «Дар бораи нафақаҳои суғуртавӣ ва давлатӣ» таъйин шудааст, ба андозаи 20 фоиз, инчунин, нафақаи маъюбони гурӯҳи якум, ки дар асоси Қонуни Ҷумҳурии Тоҷикистон «Дар бораи нафақаҳои суғуртавӣ ва давлатӣ» таъйин гардидааст, ба андозаи 50 фоиз баланд бардошта шавад.»
Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон
шаҳри Душанбе 26.01.2021
Воқеан ин ва чанд нуктаҳои дигар аз Паёми Президенти Ҷумҳурии Тоҷикистон Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон имкон медиҳад, ки шароити зиндагии садҳо ҳазор нафар маъюбон ва оилаҳои онҳо хубтар гардад. Имрӯзҳо дар тамоми деҳаву маҳаллаҳои ноҳияи Ҷайҳун ин иқдомҳои ғамхоронаи Асосгузори сулҳу Ваҳдати миллӣ- Пешвои миллат муҳтарам Эмомалӣ Раҳмонро, ки дар Паёми навбатиашон ироа гардид, мардуми меҳнатдӯсти ноҳия хеле хуб пазироӣ карда, минаддории худро ба Ҳукумати Ҷумҳурии Тоҷикистон, хусусан ба Асосгузори сулҳу Ваҳдати миллӣ- Пешвои миллат муҳтарам Эмомалӣ Раҳмон баён карда истодаанд.
Ҳасанзода Тағоимурод, раиси Кумитаи иҷроияи ҲХДТ дар ноҳияи Ҷайҳун
