ХОВАЛИНГ. Дар ташкилоти ибтидоии ҳизбии “Мактаби варзишӣ” бо иштироки кормандони масъули Кумитаи иҷроияи ҲХДТ дар ноҳияи Ховалинг оид ба истифодаи сарфаҷӯёнаи неруи барқ ва роҳҳои пешгирии бемории сироятии Ковид -19 ҷаласа доир карда шуд.
Дар баромади кормандони Кумитаи иҷроия Саидҷалол Сатторов, Исфандиёр Саидмаҳмудов ва раиси ташкилоти ибтидоии ҳизбӣ Саидмуҳаммад Раҷабов зарурати пешомада - ҳар чи бештар сарфакорона истифода намудани қувваи барқ дар фасли зимистони имсола бо сабаби камии об ва роҳҳои пешгирии бемории коронавирус ба таври муфассал шарҳу эзоҳ дода шуд.
Бо истифода аз фурсати муносиб дар маҷлис дар вазъияти тантанавӣ ба чанд нафар кормандони мактаби варзишӣ шаҳодатномаҳои ҳизбӣ тақдим карда шуд.
