ВАХШ. Дирӯз дар ташкилоти ибтидоии ҳизбии "С.Шерозӣ" маҷлиси ҷамъбастӣ барои соли 2020 ва вазифагузориҳо барои соли 2021 бо иштироки намояндагони Кумитаи иҷроияи ҲХДТ дар ноҳияи Вахш баргузор гардид.
Зимнан раиси ташкилоти ибтидоӣ ҳисоботи ҷамъбастии ташкилотро ироа намуда, нақшаи корӣ барои соли 2021-ро тасдиқ намуд.
Дар навбати худ намояндагони Кумитаи иҷроия дар рафти маҷлис атрофи истифодаи сарфакоронаи неруи барқ, пардохти саривақтии ҳаққи истифодаи он, пешгирии бемории сироятии коронавирус суханронӣ намуда, қайд карданд, ки истифодаи оқилонаи неруи барқ ба манфиати ҳамаи мо мебошад.
Дар охир бо дастгирии иштирокдорон ҳисоботи ташкилоти ибтидоӣ дар соли 2020 қаноатбахш ҳисобида шуда, аз ҷониби намояндагони ҳизбӣ шартҳои озмуни ҳизбӣ таҳти унвони “Беҳтарин сарфакори барқ” шарҳу тавзеҳ дода шуд.
