ЛЕВАКАНТ. Бо иштироки кормандони Кумитаи иҷроияи ҲХДТ дар шаҳри Левакант дар ташкилоти ибтидоии ҳизбии “Мактаби санъати бачагона”-и шаҳри Левакант маҷлиси умумии ташкилот доир гардид, ки фаъолияти яксолаи онро ҷамъбаст намуд.
Қайд гардид, ки айни замон дар муассисаи номбурда 13 нафар омӯзгорони ихтисосманд ба 208 нафар маҳорати навозандагию овозхонӣ, нақшнигорӣ-дӯзандагӣ, бофандагӣ ва санъати тасвириро меомӯзонанд, ки бешак дар тарбияи ватандӯстию фарҳангшиносӣ ва баланд гардидани завқи зебоипарастии онҳо нақши муҳим дорад.
7 нафар шогирдони ин муассиса дар озмуни ҷумҳуриявии “Тоҷикистон -Ватани азизи ман!” фаъолона иштирок намуда, бо Ифтихорномаи Мақомоти иҷроияи ҳокимияти давлатии вилояти Хатлон сарфароз гардиданд.
