ТЕМУРМАЛИК. Дар ташкилотҳои ибтидоии ҳизбии “САҲШ”, “Давад”, “Қазоқ”, “Ҷамоати деҳоти С.Раҳимов”, “Беморхонаи Ватан”, “Булакдашт”, “Хоҷагии Ҷ.Румӣ”, “Бурдангал”, “Чаган” ва ташкилоти ибтидоии “Оишабулоқ” маҷлисҳои ҷамъбастӣ - ҳисоботӣ баргузор шуд, ки дар он ҳисоботҳои раисони ташкилотҳои ибтидоӣ зимни баррасӣ қарор гирифтанд. Дар баробари ҳисоботҳои раисони ташкилотҳои ибтидоии ҳизбӣ, инчунин самаранок истифода намудани ҳар як ваҷаб замин, эмин нигоҳ доштани худ ва дигарон аз сироятёбии бемории (COVID-19) ва иҷрои дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки аз машварати корӣ бо аъзои Ҳукумати кишвар ҷиҳати сарфакорона истифода бурдани неруи барқ, Муроҷиатномаи Ширкати “Барқи тоҷик” – ро риоя намудан бармеояд, ёдрас карда шуда, иштирокдорон барои истифодаи сӯзишвориҳои табиӣ раҳнамоӣ карданд.
