ТЕМУРМАЛИК. Бо ибтикори Кумитаи иҷроияи Ҳизби Халқии Демократии Тоҷикистон дар ноҳияи Темурмалик дар ҳамкорӣ бо мақомоти иҷроияи ҳокимияти давлатии ноҳия бо шумули намояндагони мақомотҳои қудратӣ ва дигар сохторҳои ҳокимияти маҳаллӣ ҷиҳати шарҳу тавзеҳи суханронии Пешвои миллат дар мулоқот бо намояндагони ҷомеаи кишвар гурӯҳҳои таблиғотӣ ташкил карда шудааст.
Дар ҷамоати шаҳраки Совет вохӯрии гурӯҳи корӣ бо қишрҳои гуногуни аҳолӣ доир гардид, ки дар он раиси Кумитаи иҷроияи ҲХДТ дар ноҳияи Темурмалик Раҷабзода Маҳмадсаид иштирок ва дар назди ҷамъомадагон фикру андешаҳояшро баён намуд.
Ҳамчунин имомхатиби масҷиди ҷомеъи ноҳия Доробов Абдулвадуд оид ба суханрониҳои Пешвои миллат дар мулоқот бо намояндагони ҷомеаи кишвар суханронӣ карда, дастуру супоришҳои Роҳбари давлатро ҳамаҷониба дастгирӣ намуд.
Дар вохурӣ, ки зиёда аз 120 нафар сокинони ҷамоати шаҳраки Совет иштирок доштанд, аз суханрониҳои масъулин таассуроти хуб бардоштанд.
Айни замон вохӯриву корҳои фаҳмондадиҳии гурӯҳҳои таблиғотӣ оид ба шарҳу тавзеҳи суханронии Пешвои миллат дар мулоқот бо намояндагони ҷомеаи кишвар дар дигар ҷамоатҳои шаҳраку деҳоти ноҳияи Темурмалик идома доранд.
