ВАХШ. Дар доираи нақшаи тасдиқгардидаи Кумитаи иҷроияи ҲХДТ дар ноҳияи Вахш дар ташкилоти ибтидоии ҳизбии “Раёсати кишоварзӣ” маҷлиси умумии ҳисоботӣ оид ба ҷамъбасти солонаи фаъолияти ташкилот барои соли 2020 гузаронида шуд.
Дар он муовини раиси ташкилоти ибтидоӣ Абдулло Шарипов ҳисоботи солонаи ташкилотро ироа намуд ва нақшаи кории ташкилот барои соли 2021 пешниҳод ва баррасӣ карда шуд.
Ҳамзамон дар маҷлис масъулини ҳизби оид ба масъалаҳои мубрами рӯз, дар бораи сарфакорона истифода намудани қувваи барқ, пардохти маблағи истифодаи он ва пешгирии бемории сироятии (КОВИД-19) ибрози ақида намуда, иштирокдорони маҷлисро барои истифодаи сарфаҷӯёнаи неруи барқ, сӯзишвориҳои табиӣ раҳнамоӣ карданд.
