ДӮСТӢ. Тибқи нақшаи баргузории вохӯриву суҳбатҳои Кумитаи иҷроияи ҲХДТ дар ноҳияи Дӯстӣ гурӯҳи таблиғотии ҳизбӣ бо кормандони ташкилоти ибтидоии ҳизбии «Пилла» вохӯрӣ доир намуданд.
Масъулин дар вохӯрӣ оид ба иҷро намудани нақшаи пурраи супоридани пилла ба коргоҳҳои саноатӣ ва ҳамчунин зиёд кардани ҳаҷми он фикру андешаҳои хешро иброз намуда, қайд карданд, ки моро зарур аст дар чунин фазои сулҳу дӯстӣ дар Ватани озоду ободи худ аз маҳсулотҳои ватанӣ ба дараҷаи аъло ва сифати хубу нархи дастрас истифода мебарем.
Дар баробари тарғибу ташвиқи масъалаи мазкур самтҳои афзалиятноки фаъолияти ҲХДТ, сиёсати пешгирифтаи Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон андешаронӣ карда, афзуданд, ки моро лозим аст, маҳсулоти ватаниро дучанд зиёд намоем ва дар рушду нумӯъи Ватани азизамон саҳми арзанда гузорем.
