КӮШОНИЁН. Мулоқоти навбатии вакили Маҷлиси намояндагони Маҷлиси Олии Ҷумҳурии Тоҷикистон Шодиён Муҳаммад Султонзода бо сокинони Ҷамоати шаҳраки Бохтариён доир гашт.
Дар мулоқот Шодиён Муҳаммад доир ба сиёсати Ҳукумати Ҷумҳурии Тоҷикистон ва нақши Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар таъмини сулҳу субот дар мамлакат ва баланд бардоштани сатҳи некуаҳволии сокинон ибрози андеша намуд. Инчунин мавсуф дар бораи ба зарурати истифодаи сарфакоронаву самаранок ва оқилонаи неруи барқ, самаранок истифода бурдани заминҳои наздиҳавлигӣ, заминҳои хоҷагии ёрирасон, заминҳои хоҷагии деҳқонӣ, дар бораи пешгирии таъсири бемории сироятии (COVID-19) ба соҳаҳои иҷтимоию иқтисодии Ҷумҳурии Тоҷикистон сухан гуфта, аз иштирокдорон ҷиҳати дар амал татбиқ кардани сиёсати пешгирифтаи Пешвои миллат муҳтарам Эмомалӣ Раҳмон ва ҳадафҳои созандаи ҲХДТ ҳидоят намуд.
