ТЕМУРМАЛИК. Дар ташкилоти ибтидоии ҳизбии “Қушқияи поён” - Ҷамоати деҳоти ба номи Лақай Қармишев кормандони Кумитаи иҷроияи ҲХДТ дар ноҳияи Темурмалик бо мақсади самаранок истифода намудани ҳар як ваҷаб замин, эмин нигоҳ доштани худ ва дигарон аз сироятёбӣ аз бемории (COVID-19) ва иҷрои дастуру ҳидоятҳои Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки аз машварати корӣ бо аъзои Ҳукумати кишвар ҷиҳати сарфакорона истифода бурдани нерӯи барқ, Муроҷиатномаи Ширкати “Барқи тоҷик” - ро риоя намудан бармеояд, вохӯрӣ доир намуданд.
Дар баромади худ намояндагони ҳизбӣ қайд карданд, ки самаранок истифода кардани ҳар як ваҷаб замини дар ихтиёрдошта ва сарфакорона истифода бурдани неруи барқ ба хотири захираи об дар обанбори Норак дар фасли зимистон ва расидан ба яке аз ҳадафҳои стратегии кишвар -истиқлолияти энергетикӣ буда, вазифаи ҳар як сокини кишвар ва тамоми ташкилоту муассисаҳо татбиқи ҳадафи созанда мебошад. Аз ин хотир мо бояд сарфакориро аз оилаи худ оғоз карда, дар таъмини пурраи истиқлолияти энергетикӣ саҳм гузорем.
Инчунин, дар ин баробар ба иштирокчиён Муроҷиатномаи Ҳукумати Ҷумҳурии Тоҷикистон ва Муроҷиатномаи Ширкати “Барқи Тоҷик” барои сарфакорона истифода бурдани неруи барқ ва Муроҷиатномаи ҲХДТ оид ба пешгирии бемории сироятии (COVID - 19) дастрас карда шуд.
