ШАҲРИТУЗ. Аз ҷониби кормандони Кумитаи иҷроияи Ҳизби Халқии Демократии Тоҷикистон дар ноҳияи Шаҳритуз дар ташкилоти ибтидоии “Шаҳритуз” дар якҷоягӣ бо гурӯҳи кории назди Мақомоти иҷроияи ҳокимияти давлатии ноҳия оид ба шарҳу тавзеҳи муҳтавои Муроҷиатномаҳои Ҳукумати Ҷумҳурии Тоҷикистон ва Ширкати «Барқи тоҷик» ҷиҳати истифодаи сарфакоронаи неруи барқ, роҳ надодан ба талафоти зиёди нерӯи барқ, пардохти маблағи истифодаи он, андешидани тадбирҳои зарурӣ баҳри беҳтар гузаронидани мавсими зимистони дар пешистода, гузаштан ба дигар намуди алтернативаи сӯзишворӣ, аз ҷумла ангишт, ҳезум, брикет, гази моеъ ва кам кардани талафоти неруи барқ корҳои фаҳмондадиҳӣ гузаронида шуда, ба сокинон Муроҷиатномаҳои Ҳукумати Ҷумҳурии Тоҷикистон ва Ширкати «Барқи тоҷик» тақсим карда шуд.
