КӮЛОБ. Дар ташкилоти ибтидоии ҳизбии “Содиқов” бо иштироки аъзои Ситоди гурӯҳи кории таблиғотӣ таҳти роҳбарии муовини раиси шаҳри Кӯлоб Одилзода Дилбар вобаста ба самаранок истифода намудани неруи барқ, истифодаи самараноки заминҳои бекорхобида вохӯрӣ баргузор шуд.
Нахуст, аз ҷониби аъзои гурӯҳи корӣ ба саъми шаҳрвандон моҳияти Муроҷиатномаи Ҳукумати Ҷумҳурии Тоҷикистон, амри раиси вилояти Хатлон, муроҷиатномаи раиси шаҳри Кӯлоб ва Муроҷиатномаи Ширкати “Барқи Тоҷик” расонида шуда, аз сокинон даъват ба амал оварда шуд, ки неруи барқро мақсаднок истифода бурда, ҳаққи хизмати онро сари вақт пардохт намоянд.
Ҳамзамон, доир ба истифодаи самараноки заминҳои наздиҳавлигӣ ва ёрирасони шахсӣ, инчунин шинонидани картошка дар заминҳои бекорхобида, шинонидани гулҳои рангоранги хушбӯй дар назди ташкилоту муассисаҳо ва марказҳои савдо мутобиқ ба шарту шароит, додани тавсияҳо оид ба пешгирии бемории сироятии коронавирус, омода кардани фарзандони худ ҷиҳати иштирок намудан дар озмунҳои ҷумҳуриявии “Фурӯғи субҳи доноӣ китоб аст”, “Тоҷикистон – Ватани азизи ман!” корҳои фаҳмондадиҳӣ гузаронида шуда, ба онҳо маслиҳатҳои муфид дода шуд.
