ЛЕВАКАНТ. Кормандони масъули Кумитаи иҷроияи ҲХДТ дар шаҳри Левакант бо мақсади ба саъми мардум расонидани муҳтавои Муроҷиатномаи Ҳукумати Ҷумҳурии Тоҷикистон дар бораи истифодаи сарфакоронаву оқилонаи неруи барқ, кам кардани талафоти он бо роҳи истифодаи васеи технологияи каммасраф дар ташкилоти ибтидоии ҳизбии “Боҳтуробод-1” бо усули “хона ба хона” корҳои фаҳмондадиҳиро ба роҳ монданд.
Зимни вохӯриҳо масъулин, инчунин аз пардохти саривақтии маблағи қувваи барқ, захираи маводи сӯзишворӣ дар ҳар оила барои зимистонгузаронӣ, самаранок истифода бурдани заминҳои наздиҳавлигӣ ёдовар гардиданд.
