ТЕМУРМАЛИК. Кормандони масъули Кумитаи иҷроияи ҲХДТ дар ноҳияи Темурмалик, дар якҷоягӣ бо намояндаи шуъбаи маориф ва Ҷамоати шаҳрак дар ташкилоти ибтидоии “Боғчаи №1”-и Ҷамоати шаҳраки Совет бо мақсади иҷрои дастуру ҳидоятҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз машварати корӣ, ки 15 декабри соли ҷорӣ бо аъзои Ҳукумати кишвар доир карда шуд, оид ба сарфакорона истифода бурдани нерӯи барқ, муроҷиатномаи ширкати “Барқи тоҷик” - ро риоя намудан мулоқот доир карданд.
Дар баромади худ раиси Кумитаи иҷроияи ҲХДТ дар ноҳияи Темурмалик Раҷабзода Маҳмадсаид қайд намуд, ки самаранок ва сарфакорона истифода бурдани неруи барқ ба хотири захира кардани об дар обанбори Норак дар фасли зимистон ва расидан ба истиқлолиятӣ энергетикӣ мебошад ва вазифаи ҳар яки мо саҳм гузоштан дар таъмини истиқлолияти энергетикӣ аст.
