ХОВАЛИНГ. Бо мусоид омадани обу ҳаво корҳои ниҳолшинонӣ ва сарсабзу хуррам гардонидани кӯчаю хиёбон ва роҳравҳои шаҳрак ва деҳоти ноҳияи Ховалинг дар асоси талаботи Аксияи “Ватан, ҳар гӯшаатро сарсабз хоҳем кард!” босуръат ва сифати баланд давом дорад. Дар ин амали хайру савоб кормандони масъули ҳизбӣ, аъзои Кумитаи иҷроия, вакилони Маҷлиси вакилони халқи ноҳия, аъзои Шӯрои собиқадорони ҲХДТ ва аъзои намояндагии ТҶҶ ”Созандагони Ватан” фаъолона иштирок намуда истодаанд. Бо қувваи онҳо дар давоми се рӯз дар боғи фарҳангии ноҳия, кӯчаю хиёбонҳо бештар аз 1000 бех ниҳоли арча шинонида шуда, корҳои ниҳолшинонию сарсабзгардонӣ дар ноҳия давом дорад.
