ФАРХОР. Дар Кумитаи иҷроияи ҲХДТ дар ноҳияи Фархор оид ба дастовардҳои Ҷумҳурии Тоҷикистон дар даврони соҳибистиқлолии кишвар таҳти роҳбарии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо занону бонувони фаъоли ноҳияи Фархор маҷлиси ҳизбӣ баргузор гардид.
Дар кори маҷлис инчунин, вакилони Маҷлиси вакилони халқи ноҳия, роҳбарони бахшу шуъбаҳои Мақомоти иҷроияи ҳокимияти давлатии ноҳия ва мудири шуъбаи кор бо занон ва ҷавонони Кумитаи иҷроияи ҲХДТ иштирок ва суханронӣ намуда, аз пешрафту ободии кишвар дар давраи соҳибистиқлолӣ, расидан ба ҳадафҳои созанда, дастовардҳои беназир, ки бо заҳмату талошҳои шабонарӯзии Пешвои миллат муҳтарам Эмомалӣ Раҳмон ба даст омадаанд, ёдоварӣ карданд.
