ҚУБОДИЁН. Бо мақсади тарғиби муҳтавои Паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар деҳаи Қиёти ҷамоати шаҳраки Қубодиён бо сокинон вохӯрӣ доир карда шуд.
Дар рафти вохӯрӣ раиси Кумитаи иҷроияи ҲХДТ дар ноҳияи Қубодиён Шарифзода Маҳмадаюб доир ба самтҳои сиёсати дохилию хориҷии мамлакат ва нақшаву вазифаҳои навбатӣ барои соли ҷорӣ, усулҳои расидан ба ҳадафҳо баҳри таъмини рушди устувори рӯзгори мардум суханронӣ намуд.
Қайд карда шуд, ки яке аз самтҳои фаъолияти мо беҳбудӣ бахшидан ва бо мақсади баланд бардоштани сатҳи зиндагии мардум ва паст кардани сатҳи камбизоати ин эълон гардидани соли 2018 ҳамчун Соли рушди сайёҳӣ ва ҳунарҳои мардумӣ ва дар ин ҷода баҳри ҳавасмандгардонии аҳолӣ ҷиҳати истеҳсоли молҳои ниёзи мардум дар хона ва ҳунарҳои мардумӣ озод намудан аз пардохти ҳамаи намудҳои андоз мебошад. Он имкон медиҳад, ки аҳолии қобили меҳнатро ба шуғл фаро гирифта, барои таъсиси ҷойҳои нави корӣ ва сарчашмаҳои иловагии даромад шароит фароҳам гардид.
