ШАҲРИТУЗ. Дар ташкилоти ибтидоии “Идораи об ва беҳдошти замин”-и ноҳияи Шаҳритуз кормандони Кумитаи иҷроияи ҲХДТ дар ноҳияи Шаҳритуз оид ба самтҳои афзалиятноки фаъолияти ҲХДТ хониши сиёсӣ доир карданд. Дар рафти суҳбатҳо самтҳои афзалиятноки фаъолияти ҳизб, аз ҷумла тарғиби тарзи ҳаёти солим, пешгирӣ аз бемории сироятии коронавирус, Даҳсолаи байналмилалии амал “Об барои рушди устувор барои солҳои 2018-2028” ва Қонунҳои Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон”, “Дар бораи масъулияти падару модар дар таълиму тарбияи фарзанд” мавриди баррасӣ қарор дода шуда, ба иштирокдорон муроҷиатномаи ҲХДТ оид ба пешгирии бемории сироятии коронавирус супорида шуд.
