ҚУБОДИЁН. Бо ташаббуси Кумитаи иҷроияи ҲХДТ дар ноҳияи Қубодиён ва дастгирии ташкилоти ибтидоии ҳизбии “Ниҳолпарвар”, маъракаи ниҳолшинонӣ бахшида ба 30-солагии Истиқлолияти давлатӣ ҷараён гирифт, ки дар он муовини раиси Кумитаи иҷроияи ҲХДТ дар ноҳияи Қубодиён Абдуллоев Ваҳобиддин иштирок намуд.
Абдуллоев Ваҳобиддин дар якҷоягӣ бо волонтёрон ва аъзои намояндагии ТҶҶ “Созандагони Ватан” ҷиҳати сарсабзу хуррам гардонидани як гӯшаи диёр ва татбиқи дастуру супоришҳои Роҳбари давлат, Раиси муаззами ҲХДТ муҳтарам Эмомалӣ Раҳмон дар шинонидани ниҳолону гулу гулбуттаҳо саҳми арзандаи хешро гузоштанд.
Бояд қайд кард, ки маъракаи ниҳолшинонӣ дар ноҳияи Қубодиён аз оғози моҳи декабри соли ҷорӣ оғоз ёфта, то ин дам дар ҳудуди ноҳия 700 бех ниҳолҳои сояафкану ороишӣ ва гулҳои рангоранг шинонида шудааст.
