Н.ХУСРАВ. Кормандони Кумитаи иҷроияи ҲХДТ дар ноҳияи Носири Хусрав дар Ҷамоати деҳоти Фирӯза бо занону ҷавондухтарон мулоқоти судманд анҷом доданд.
Масъулин дар суҳбат вобаста ба иқдомҳои Ҳукумати Тоҷикистон дар татбиқи сиёсати давлатии кадрҳо ба масъалаи баланд бардоштани мақоми зан дар ҷомеа, фаъол гардонидани нақши онҳо дар ҳаёти сиёсии кишвар суханронӣ карда, қайд намуданд, ки имрӯз шумораи занон дар мақомотҳои олии намояндагию мақомотҳои давлатӣ ду баробар зиёд гардидааст. Айни замон занон дар вазифаҳои гуногуни давлатӣ кору фаъолият доранд. Дар сохторҳои маориф ва тандурустӣ аз нисф зиёди кормандонро занон ташкил медиҳанд. Қариб аксарияти аъзои ҳизбро дар ноҳия занону духтарони фаъол ташкил медиҳанд. Ҳоло нуфузи занон дар самти соҳибкорӣ бештар гардида, онҳо дар самтҳои гуногуни хизматрасониҳо кору фаъолият намуда истодаанд.
Инчунин, миёни иштирокчиёни вохӯрӣ маҳфили саволу ҷавоб доир гардида, пешгирии зӯроварӣ дар оила, мушкилоти иҷтимоӣ ва роҳҳои халли онҳо мавриди баррасӣ қарор дода шуд.
