ВОСЕЪ. Бо иштироки кормандони Кумитаи иҷроияи ҲХДТ дар ноҳияи Восеъ дар Ҷамоати деҳоти Гулистон миёни хонандагони синфҳои болоӣ ҷиҳати пешгирии бемории сироятии коронавирус корҳои фаҳмондадиҳӣ ва саволу ҷавоб оид ба ин беморӣ гузаронида шуд.
Зимни вохӯрӣ масъулини ҳизбӣ оид ба пешгирии бемории сироятии каронавирус ба хонандагон тавсияҳои муфид дода, қайд намуданд, ки бемории сироятии коронавирус қодир аст аз одам ба одам ба воситаи қатраҳои хурд, ки аз бинӣ ё даҳони бемори гирифтор ба COVID‑19 ҳангоми сулфидану атсазанӣ ҷудо мешаванд, гузарад. Бинобар ин ҳамаи моро зарур аст, қоидаҳои беҳдоштиро қатъиян риоя намуда, баҳри саломатии худ ва наздикон саҳмгузор бошем.
