БОХТАР. Дирӯз дар ташкилоти ибидоии ҳизбии “Хатлонроҳ” маҷлис доир гардид.
Дар он намояндагони Кумитаи иҷроияи ҲХДТ дар шаҳри Бохтар, аъзо ва ҷонибдорони ҳизб иштирок доштанд. Нахуст, муовини сардори МД “Идораи хоҷагии нигоҳдории роҳҳои автомобилгард”-и минтақаи Бохтар Яқубов Набӣ маҷлисро ифтитоҳ бахшида, ба ҳозирин рӯзномаи маҷлисро муаррифӣ намуд. Рӯзномаи маҷлис аз масъалаҳои интихоби раиси ташкилоти ибтидоӣ, ҳисоботи раиси ташкилоти ибтидоь дар 11 моҳи соли ҷорӣ, қабул намудан ба сафи ҳизб ва супоридани Сипосномаҳои Кумитаи иҷроияи ҲХДТ дар шаҳри Бохтар ба фаъолони ҳизб иборат буд.
Аз рӯйи масъалаи якум аз ҷониби аъзои ҳизб Файзалиев Маҳмадулло якдилона раиси ташкилоти ибтидоии ҳизбӣ интихоб карда шуд.
Сипас, ҳисоботи раиси ташкилоти ибтидоӣ шунида шуда, қайд гардид, ки дар давраи ҳисоботӣ ташкилоти ибтидоии “Хатлонроҳ” фаъолияти худро дар асоси дастуру супоришҳои роҳбарияти олии давлату ҳукумати Тоҷикистон ба роҳ монда, ба як қатор дастовардҳои назаррас ноил гардидааст.
Пас аз муҳокимаи тамоми масъалаҳои баррасигардида, қарорҳои дахлдор қабул карда шуд. Баъдан, ба чанд нафар аъзои ҳизб барои саҳми арзанда гузоштан дар татбиқи ҳадафҳои барномавии ҲХДТ ва иштироки фаъолона дар чорабиниҳои ҳизбӣ Сипосномаҳои Кумитаи иҷроияи ҲХДТ дар шаҳри Бохтар тақдим карда шуд.
