ЁВОН. Ба ифтихори ҷашни 26- солагии таъсисёбии Ҳизби Халқии Демократии Тоҷикистон дар доираи нақшаи чорабиниҳо дар толори Коллеҷи технологӣ-фарматсевтии Тоҷикистон дар ноҳияи Ёвон конференсияи илмию амалӣ таҳти унвони “Мароми мост- мароми халқ” баргузор гардид, ки дар кори он омӯзгорону ҷавонони лаёқатманди ноҳия, донишҷӯёну аъзои ҲХДТ иштироки фаъолона доштанд.
Конференсияи мазкур дар партави сиёсати хирадмандонаи Раиси муаззами ҲХДТ, Пешвои миллат муҳтарам Эмомалӣ Раҳмон дар зарфи 26 соли таъсисёбии ҲХДТ баргузор гардид.
Дар воқеъ Ҳизби Халқии Демократии Тољикистон рукни таркибии низоми бисёрҳизбии кишварро ташкил дода, дар миёни ҳизбҳои амалкунанда бонуфузтарини онҳо ба ҳисоб меравад. Ин ҳизб дар тўли фаъолияти 26-солаи худ пастиву баландиҳо ва мушкилоту проблемаҳои зиёдеро паси сар кардааст.
