ҶАЙҲУН. Бо ибтикори кормандони масъули Кумитаи иҷроияи ҲХДТ дар ноҳияи Ҷайҳун бо донишҷӯёни Коллеҷи омӯзгории Ҷамоати шаҳраки Дӯстӣ бахшида ба Рӯзи таъсисёбии ҲХДТ ва Рӯзи байналмиллалии волонтиёрон вохӯрӣ гузаронида шуд.
Зимни суҳбат масъулин оид ба таърихи таъсисёбии ҳизб, фаъолияти босамари ҳизб, барномаи ҲХДТ, саҳми ҳизбиён дар ҳаллу баррасии бисёр мушкилоти ҷомеа ибрози андеша карда шуд. Инчунин, таъкид гардид, ки Барномаи ҲХДТ дурнамо ва рушди тамоми самтҳои муҳими ҳаёти кишварро дар бар гирифта, ҷиҳати пешрафти онҳо саҳмгузорӣ менамояд. Нақши ҲХДТ дар пешрафту рушди самтҳои муҳиму афзалиятнок беандоза ва нотакрор аст.
Қайд кардан ба маврид аст, ки ҳизби мо аз иҷрои ин вазифаи таърихӣ сарбаландона баромад ва маҳз бо шарофати неъмати бебаҳои сулҳу оромӣ ва Ваҳдати миллӣ давлати мо бомаром рушд карда истодааст ва раванди бунёдкориву ободонӣ пайгирона идома дорад.
