А.ҶОМӢ. Бо ибтикори Кумитаи иҷроияи ҲХДТ дар ноҳияи Абдураҳмони Ҷомӣ бо ҷалби зиёди аъзо ва ҷонибдорони ҳизбиву аъзои намояндагии ТҶҶ “Созандагони Ватан”, волонтёрони ҳизбӣ, дар асоси дастуру супоришҳои роҳбарияти мақомотҳои болоии ҲХДТ бахшида ба Рӯзи таъсисёбии Ҳизби Халқии Демократии Тоҷикистон, Аксияи ниҳолшинонӣ таҳти унвони “Ватан, ҳар гӯшаатро сарсабз хоҳем кард”, дар маҳаллаи “Ҳақиқат”-и Ҷамоати деҳоти Иттифоқ беш аз 150 адад ниҳолҳои ҳамешасабз ва ороишӣ шинонида шуд.
Дар маъракаи ниҳолшинонӣ ва ободонии ин гӯшаи диёрамон раиси Кумитаи иҷроияи ҲХДТ дар вилояти Хатлон Қиёмиддин Абдусаломзода, аъзои Кумитаи иҷроияи ноҳиявии ҳизбӣ, раиси ноҳияи Абдураҳмони Ҷомӣ Сафармаҳмад Раҳимзода ва раиси Кумитаи иҷроияи ҲХДТ дар ноҳияи Абдураҳмони Ҷомӣ Муҳаммаддовуд Ҳалимов, саҳми худро гузоштанд.
Бояд гуфт, ки чунин иқдом бо иштироки ҳамаи аъзову ҷонибдорони ҳизб дар тамоми гулгашту хиёбонҳо ва роҳравҳои ҳудуди қаламрави ноҳияи Абдураҳмони Ҷомӣ сурат гирифтаву ин иқдом идома дорад. Мусаллам аст, ки ҳадаф аз баргузории аксияи мазкури ҳизбӣ ободу зебо гардонидани кишвари азизамон -Тоҷикистон, саҳм гузоштан дар ободии диёр дар доираи истиқболи 30- солагии Истиқлолияти давлатии Ҷумҳурии Тоҷикистон ва гулгулшукуфии Ватани азизамон мебошад.
