ФАРХОР. Дар доираи нақша - чорабиниҳои тасдиқшада оид ба пешгирӣ аз паҳншавии бемории коронавируси COVID-19 ва истифодаи самараноки қитъаҳои заминҳои наздиҳавлигӣ масъулини Кумитаи иҷроияи ҲХДТ дар ноҳияи Фархор бо усули «хона ба хона» дар маҳаллаи №4-и Ҷамоати шаҳраки Фархор гардиш гузарониданд
Масъулин оид ба пешгирии бемории мазкур бо сокинон суҳбат намуда, қайд карданд, ки ҳамаи мо бояд дар фикри саломатии худ бошем ва худро аз бемориҳои сироятие, ки имрӯз тамоми ҷаҳонро фаро гирифтааст, хуб эҳтиёт намоем, чунки солимии миллат бойгарии давлат аст. Инчунин, аз тарафи Кумитаи иҷроияи ҲХДТ дар ноҳияи Фархор ба сокинон маводҳои таблиғотӣ, ниқобҳои муҳофзатӣ ва маводҳои безараргардонӣ тақсим карда шуданд.
