ДӮСТӢ. Бо ташаббуси Кумитаи иҷроияи ҲХДТ дар ноҳияи Дӯстӣ дар доираи Аксияи ҳизбӣ таҳти унвони “Якҷоя месозем!” бахшида ба сазховр истиқбол гирифтан аз 26-солагии таъсисёбии ҲХДТ бо ҷалби фаъолон, аъзо ва ҷонибдорони ҳизб дар ташкилоти ибтидоии деҳаи “Истиқлол” корҳои ободонию созандагӣ гузаронида шуд. Дар Аксияи ҳизбӣ 2 километр роҳи байни деҳа бо тариқи ҳашари дастаҷамъона сангфарш карда шуда, аз иқдоми неку созандаи Кумитаи иҷроияи ноҳиявии ҳизб сокинон руҳбаланд гардида, дар чорабинии муҳим бо шукргузорӣ аз фазои сулҳу ороми кишвар ва ҳавои мусоид баҳри ободии маҳали худ ва шароити хуб муҳайё намудан ба фарзандони хеш саҳм гузоштанд ва миннатдории худро ба ҳизбиён баён карданд.
