ТЕМУРМАЛИК. Кормандони Кумитаи иҷроияи Ҳизби Халқии Демократии Тоҷикистон дар ноҳияи Темурмалик ба муносибати Рӯзи байналмилалии волонтёрон маҷлиси тантанавиро миёни аъзои маҳфили “Волонтёрони ҳизбӣ” доир намуд.
Дар маҷлис мудири шуъбаи кор бо ҷавонон ва занон ва мудири шуъбаи таблиғот, иттилоот ва матбуоти Кумитаи иҷроияи ҲХДТ дар ноҳияи Темурмалик иштирок дошта, вобаста ба фаъолияти волонтёрӣ, ҷалби онҳо дар корҳои ободониву созандагӣ ва саҳми ҷавонон ҳамчун насли ояндасози кишвар дар пешрафту ободии Ватан андешаронӣ карда, онҳоро бо Рӯзи байналмилалии волонтёрон табрику муборакбод гуфтанд.