ҚУБОДИЁН. Кумитаи иҷроияи ҲХДТ дар ноҳияи Қубодиён бо мақсади тарғиби ҳадафҳои созандаи ҳизб, самтҳои афзалиятноки фаъолияти он дар ташкилоти ибтидоии “Зиракӣ” вохӯрӣ доир намуд.
Раиси Кумитаи иҷроияи ҲХДТ дар ноҳияи Қубодиён Шарифзода Маҳмадаюб зимни суҳбат иброз дошт, ки бо ҳисси баланди масъулиятшиносӣ ҷавононро дар руҳияи худшиносии миллӣ, ифтихори ватандорӣ тарбия намуда, баҳри ҳимояи марзу буми Ватан омода намоем. Чунки ба ғайр аз худи мо дигар кас ин сарзамини аҷдодиамонро обод нахоҳад кард.
Дар ҷараёни суҳбат мавсуф аз иштирокдорон даъват ба амал овард, ки ҷиҳати сазовор ҷашн гирифтани 30-солагии Истиқлолияти давлатӣ барои амалӣ намудани Аксияи ҳизбӣ таҳти унвони “Якҷоя месозем!” дар самти дастгирӣ намудани табақаҳои ниёзманди аҳолӣ ва созандагиву бунёдкорӣ саҳмгузор бошанд.
