ВОСЕЪ. Дар доираи Соли шинохти бештари манфиатҳои миллӣ. Дирӯз дар Кумитаи иҷроияи ҲХДТ дар ноҳияи Восеъ бо иштироки кормандони Кумитаи иҷроия хониши сиёсӣ гузаронида шуд.
Зимни баргузории хониши сиёсӣ муовини раиси Кумитаи иҷроияи ҲХДТ дар ноҳия Мирзоев Сафаралӣ оид ба риоя намудани интизоми корӣ ва баъдан доир ба масъалаҳои ҳарчи зудтар ба анҷом расонидани обунаи нашрияҳои “Минбари халқ” ва “Ҳамрози халқ”, зиёд намудани шумораи аъзои ҲХДТ, сари вақт иҷро кардани дастуру супоришҳои мақомоти болоии ҳизбӣ, зиёд намудани корҳои таблиғотиву ташвиқотӣ миёни сокинон оид ба пешгирии бемориҳои сироятии каронавирус ва дигар масъалаҳои мубрами рӯз ибрози ақида намуда, дар охир ба ҳамаи кормандон вобаста ба вазифаҳои ишғолнамудашон дастурҳои мушаххас дод.
