ФАРХОР. Дар доираи Соли шинохти бештари манфиатҳои миллӣ. Бо мақсади амалӣ намудани дастуру супоришҳои мақомоти болоии ҳизб оид ба пешгирии паҳншавии бемории COVID-19 ва самаранок истифодабарии заминҳои наздиҳавлигӣ кормандони Кумитаи иҷроияи ҲХДТ дар ноҳияи Фархор бо усули “хона ба хона” дар маҳаллаҳои Ҷамоати шаҳраки Фархор гардиш доир намуданд.
Масъулин оид ба пешгирии ин вабо чунин ибрози андеша намуданд, ки роҳи беҳтарини пешгирӣ ва суст кардани паҳншавии вируси COVID-19, ин маълумоти саҳеҳ ва мукаммал оид ба ин беморӣ доштан аст. Худ ва дигаронро аз сироят ёфтан ҳифз намуда, қоидаҳои гигиениро, аз қабили дастонро зуд-зуд шустан, бо дастони ношуста нарасидани рӯй ва ҳамеша аз воситаҳои гигиенӣ истифода намудан зарур мебошад. Ҳамзамон, ба аҳолӣ маводҳои таблиғотӣ, ниқобҳои тиббӣ ва маводҳои безараргардонӣ тақсим карданд.
