КӮШОНИЁН. Дар доираи Соли шинохти бештари манфиатҳои миллӣ. Бо мақсади пешгирии паҳншавии мавҷи дуюми бемории сироятии коронавирус ҳамарӯза аз ҷониби масъулини Кумитаи иҷроияи ҲХДТ дар ноҳияи Кӯшониён корҳои фаҳмондадиҳӣ байни сокинон ба роҳ монда шуда, оид ба риояи ҳатмии қоидаҳои беҳдошти саломатӣ, нигоҳ доштани масофаи иҷтимоӣ, истифодаи ниқобҳои ҳимоявӣ ва маҳлулҳои безараргардонӣ мулоқот баргузор карда мешавад.
Ин навбат низ масъулин дар маркази ноҳия Аксияи ҳизбӣ “Бо ниқоб бош!” гузаронида шуд. Дар рафти чорабинӣ масъулини ҳизбӣ ба иштирокдорон маводҳои таблиғотӣ оид ба пешгирӣ аз паҳншавии бемории сироятии коронавирус ва ниқобҳои ройгон дастрас намуданд.
