ПАНҶ. Дар доираи Соли шинохти бештари манфиатҳои миллӣ. Бо иштироки кормандони масъули Кумитаи иҷроияи Ҳизби Халқии Демократии Тоҷикистон дар ноҳияи Панҷ дар муассисаи таҳсилоти миёнаи умумии №8 бо хонандагони синфҳои болоӣ вохӯрӣ оид ба самтҳои афзалиятноки фаъолияти ҲХДТ баргузор гардид.
Дар суҳбат намояндагони ҳизбӣ вобаста ба самтҳои афзалиятноки фаъолияти ҲХДТ, аз ҷумла сиёсати давлатии ҷавонон, наврасону ҷавонон ҳамчун неруи пешбарандаи ҷомеа сухан гуфта, иброз доштанд, ки эътимоду боварии Раиси муаззами ҲХДТ муҳтарам Эмомалӣ Раҳмон нисбати ҷавонону наврасон басо бузург буда, ҳар як насли ояндасозро зарур аст, ҷавобан ба боварию ғамхориҳои падаронаи Роҳбари давлат сазовор гардида, барои баланд бардоштани савияи донишу малака, одобу рафтори нек талош варзад.
