ВОСЕЪ. Дар доираи Соли шинохти бештари манфиатҳои миллӣ. Дар партави дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати тақвият бахшидан ба корҳои ободонӣ ва бунёдкорию созандагӣ бахшида ба 30-солагии Истиқлолияти Ҷумҳурии Тоҷикистон, инчунин бо мақсади зебою сарсабз гардонидани муҳити зист ва мусоидат кардан ба фазои экологии кишвар дар гулгашти ноҳияи Восеъ бо иштироки раиси Кумитаи иҷроияи ҲХДТ дар ноҳия Сафар Ҳафиза бо кормандони гулгашт вохӯрӣ баргузор гардид.
Зимни вохӯрӣ Сафар Ҳафиза аз ҷониби Пешвои муаззами миллат муҳтарам Эмомалӣ Раҳмон ба истифода дода шудани Гулгашт ёдовар шуда, иброз намуд, ки ин барои сокинони ноҳия туҳфаи беназир ба ҳисоб меравад ва ҳамаи мо баҳри тозаю озода нигоҳ доштани он масъулем.
