Н.ХУСРАВ. Дар доираи Соли шинохти бештари манфиатҳои миллӣ. Бо мақсади ба мардум фаҳмонидани хатару оқибатҳои бемории коронавирус гурӯҳи кории Кумитаи иҷроияи ҲХДТ дар ноҳияи Носири Хусрав суҳбату вохӯриҳои гурӯҳи корӣ бо сокинон ва хонандагони муассисаи таҳсилоти миёнаи умумии №3-и деҳаи Тулаганови Ҷамоати деҳоти Фирӯза баргузор намуданд.
Аъзои гурӯҳи корӣ, бахусус кормандони Кумитаи иҷроия пешгирии ин бемории даҳшатнокро фаҳмонида, қайд намуданд, ки саломатии мо дар дасти худи мост, барои ин пеш аз ҳама ба қоидаҳои беҳдошти оила, пӯшидани ниқобҳои тиббӣ, шустани дастон бо собун ва дигар қоидаҳои гигиенаи шахсиро риоя намоем ва ба таҳлука наафтода, тарзи ҳаёти солимро пеш гирем.
