ПАНҶ. Дар доираи Соли шинохти бештари манфиатҳои миллӣ. Кормандони Кумитаи иҷроияи ҲХДТ дар ноҳияи Панҷ дар якҷоягӣ бо аъзои намояндагии ТҶҶ “Созандагони Ватан” оид ба тарғибу ташвиқи Барномаи пешазинтихоботии номзади ҲХДТ ба мақоми Президенти Ҷумҳурии Тоҷикистон дар бозори Зоир Аксияи ҳизбӣ доир намуданд.
Дар вохӯрӣ, аъзои гурӯҳи таблиғотӣ моҳияти Барномаи пешазинтихоботии номзад ба мансаби Президенти Ҷумҳурии Тоҷикистон аз Ҳизби Халқии Демократии Тоҷикистон муҳтарам Эмомалӣ Раҳмонро барои солҳои 2021-2027 зери унвони “Барои рушди устувори иқтисодӣ ва зиндагии шоистаи мардум” ба интихобкунандагон расониданд ва онҳоро барои иштирок дар интихоботи Президентӣ, ки санаи 11- уми октябри соли ҷорӣ баргузор мегардад, даъват карданд.
