КӮШОНИЁН. Дар доираи Соли шинохти бештари манфиатҳои миллӣ. Дар Ҷамоати шаҳраки Бӯстонқалъа бо сокинони деҳаҳои Дмитров ва Ниҳолпарвар вохӯрии тарғиботчиёни назди Кумитаи иҷроияи ҲХДТ дар ноҳияи Кӯшониён ҷиҳати тарғибу ташвиқи Барномаи пешазинтихоботии номзади ҲХДТ сурат гирифт.
Дар мулоқот масъулин бандҳои Барномаи пешазинтихоботии номзади ҲХДТ - ро шарҳ дода, қайд карданд, ки нақши Пешвои миллат муҳтарам Эмомалӣ Раҳмон дар амалӣ намудани барномаҳои стратегии давлату ҳукумат дар бахшҳои иқтисод, сиёсату илму фарҳанг, баланд бардоштани маърифати сиёсию ҳуқуқии мардум, беҳдошти рӯзгори сокинони ҷумҳурӣ ва ғайра хеле калон мебошад. Комёбиҳои Ҷумҳурии Тоҷикистон пеш аз ҳама дар пояи ҳидояту тавсияҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба даст омадааст.
