КӮШОНИЁН. Дар доираи Соли шинохти бештари манфиатҳои миллӣ. Дар асоси нақшаи баргузории мулоқоту вохӯриҳои “хона ба хона”, рӯ ба рӯ ва кӯча ба кӯчаи гурӯҳҳои таблиғотии назди Кумитаи иҷроияи ҲХДТ дар ноҳияи Кӯшониён ҷиҳати таблиғу ташвиқи Барномаи пешазинтихоботии номзад ба мансаби Президенти Ҷумҳурии Тоҷикистон аз Ҳизби Халқии Демократии Тоҷикистон, дар кӯчаи ба номи Ибни Синои Ҷамоати шаҳраки Исмоили Сомонии ноҳия бо истиқоматкунандагони кӯчаҳо вохӯрӣ доир гардид.
Дар вохӯрӣ, аъзои гурӯҳи таблиғотӣ Барномаи пешазинтихоботии номзад ба мансаби Президенти Ҷумҳурии Тоҷикистон аз Ҳизби Халқии Демократии Тоҷикистон муҳтарам Эмомалӣ Раҳмонро барои солҳои 2021-2027 зери унвони “Барои рушди устувори иқтисодӣ ва зиндагии шоистаи мардум” ба интихобкунандагон расониданд.
