ҶАЙҲУН. Дар доираи Соли шинохти бештари манфиатҳои миллӣ. Бо мақсади тарғибу ташвиқи Барномаи пешазинтихоботии номзади ҲХДТ ба мансаби Президенти Ҷумҳурии Тоҷикистон муҳтарам Эмомалӣ Раҳмон бо интихобкунандагони деҳаи Махтумқулии Ҷамоати деҳоти Истиқлол бо иштироки аъзои гурӯҳи тарғиботии ноҳиявӣ вохӯрӣ баргузор гардид.
Зимнан масъулин бо иқтибосҳо аз Барномаи пешазинтихоботии номзади ҲХДТ иброз доштанд, ки мо ҷиҳати иҷрои сиёсати иқтисодӣ дар оянда ҳалли масъалаҳои таъмини рушди устувори иқтисоди миллӣ барои амалисозии ҳадафи олӣ, баланд бардоштани сатҳу сифати зиндагии аҳолии кишвар, таҳия ва татбиқ намудани ҳуҷҷатҳои стратегӣ ва барномавии тараққиёти кишвар ва минтақаҳои он, аз ҷумла «Барномаи миёнамуҳлати рушди Ҷумҳурии Тоҷикистон барои солҳои 2021-2025»-ро зарур мешуморад.
