Ш.ШОҲИН. Дар доираи Соли шинохти бештари манфиатҳои миллӣ. Кормандони масъули Кумитаи иҷроияи ҲХДТ дар ноҳияи Шамсиддин Шоҳин бо сокинону интихобкунандагон баҳри дар сатҳи баланди сиёсӣ баргузор намудани интихоботи Президенти Ҷумҳурии Тоҷикистон, тарғибу ташвиқи Барномаи пешазинтихоботии номзад ба мансаби Президенти Ҷумҳурии Тоҷикистон аз ҲХДТ муҳтарам Эмомалӣ Раҳмон вохӯриҳои сарироҳиро баргузор намуда истодаанд.
Дар рафти баргузории вохӯриҳо аз интихобкунандагон даъват ба амал оварда мешавад, ки дар рӯзи интихобот ширкати фаъолона намуда, ба номзади арзандаи ҲХДТ, ки ҳама пешрафту тараққиёти Тоҷикистон таҳти сиёсати хирадмандонаву ватандӯстонаи Пешвои миллат муҳтарам Эмомалӣ Раҳмон рӯи кор омадаанд, овоз дода, мавқеи шаҳрвандии худро муайян намоянд.
