ҶАЙҲУН. Дар доираи Соли шинохти бештари манфиатҳои миллӣ. Вобаста ба баргузории мулоқоту вохӯриҳо оид ба таблиғу ташвиқи Барномаи пешазинтихоботии номзад ба мансаби Президенти Ҷумҳурии Тоҷикистон аз Ҳизби Халқии Демократии Тоҷикистон дар деҳаи Рӯдакии Ҷамоати деҳоти Панҷ вохӯрии гурӯҳҳои таблиғотии Ситоди пешазинтихоботии, ноҳиявӣ номзад ба мансаби Президенти Ҷумҳурии Тоҷикистон бо сокинон доир гардид.
Дар вохӯрӣ масъулин баромад ва суханронӣ намуда, иброз доштанд, ки Барномаи мазкур дар доираи дигаргуниҳое, ки солҳои охир дар кишвар ва ҷаҳон ба амал омадаанд ва бо дарназардошти дурнамои ҳафт соли оянда (2021 – 2027) таҳия шуда, ба ҳалли масъалаҳои муҳимми ҷомеа, аз ҷумла таъмин намудани рушди устувори иқтисодӣ, саноатикунонии босуръат, ҷорӣ кардани иқтисоди рақамӣ, истифодаи оқилонаи сарватҳои табиӣ нигаронида шудааст.
