ПАНҶ. Дар доираи Соли шинохти бештари манфиатҳои миллӣ. Бо мақсади баргузории корҳои тарғиботӣ ва фаҳмонидани чораҳои пешгирии паҳншавии бемории сироятии коронавирус COVID-19, риояи гигиенаи шахсӣ, пӯшидани ниқобҳои тиббӣ ва риоя кардани масофаи ҳамдигарӣ дар ҷойҳои ҷамъиятӣ, Кумитаи иҷроияи Ҳизби Халқии Демократии Тоҷикистон дар ноҳияи Панҷ дар ташкилоти ибтидоии “Шоҳмот ва Авангард” вохӯрӣ гузаронида шуд ва ба сокинони маҳалла ниқобҳои тиббӣ ва муроҷиатномаҳои ҲХДТ дар вилояти Хатлонро тақдим намуда, корҳои тарғиботиву фаҳмондадиҳӣ дар ин самт идома дорад. Инчунин, дар вохӯрӣ аз ҷониби масъулини Кумитаи иҷроия қайд карда шуд, ки санаи 11-уми октябри соли ҷорӣ интихоботи Президенти Ҷумҳурии Тоҷикистон баргузор мегардад, моро мебояд, ки бетарифиро пеша накарда, ба номзади арзандаи худ, ки барои 7 соли ояндаи Тоҷикистон фаъолият мекунад, ба участкаи интихоботии худ рафта, овоз диҳем.
