ДӮСТӢ. Дар доираи Соли шинохти бештари манфиатҳои миллӣ. Мулоқоти аъзои Ситоди пешазинтихоботии номзад ба мансаби Президенти Ҷумҳурии Тоҷикистон аз ҲХДТ дар вилояти Хатлон Усмон Билолӣ, Ҳасан Муродиён ва Хосият Миралиева бо сокинони деҳаи Гулрези Ҷамоати деҳоти Ҷиликӯл доир гардид.
Дар суҳбат намояндагони ҳизбӣ Барномаи пешазинтихоботии номзад ба мансаби Президенти Ҷумҳурии Тоҷикистон аз ҲХДТ-ро муаррифӣ карда, иброз доштанд, ки дар Барномаи мазкур тамоми самтҳои муҳими хоҷагии халқ инъикос ёфта, барои ҳафт соли оянда барои боз ҳам рушд кардани Ватани маҳбубамон-Тоҷикистон нигаронида шудааст. Мо шаҳрвандон бояд дар ин маъракаи муҳими сиёсӣ-интихоботи Президенти Ҷумҳурии Тоҷикистон иштироки фаъолона намуда, мавқеи худро муайян созем.
