ҶАЙҲУН. Дар доираи Соли шинохти бештари манфиатҳои миллӣ. Аъзои Ситоди пешазинтихоботии номзад ба мансаби Президенти Ҷумҳурии Тоҷикистон аз ҲХДТ дар ноҳияи Ҷайҳун аз тарафи аъзои Ситод ва гурӯҳи тарғиботии ҳизби дар деҳаи Раҳмонов Ҷамоати деҳоти Қумсангир ҷиҳати таблиғу ташвиқи Барномаи пешазинтихоботии номзад бо сокинони деҳаи болозикр вохӯрию мулоқот доир намуданд.
Зимни чорабинии мазкур масъулин иброз доштанд, ки дар ҳафт соли минбаъда амалӣ кардани ҳадафи олии рушди дарозмуҳлати Тоҷикистон - баланд бардоштани сатҳу сифати зиндагии мардуми кишвар дар заминаи татбиқи “Стратегияи миллии рушди Ҷумҳурии Тоҷикистон барои давраи соли 2030” афзалиятнок боқӣ хоҳад монд.
