ҲАМАДОНӢ. Дар доираи Соли шинохти бештари манфиатҳои миллӣ. Гурӯҳи таблиғотии Кумитаи иҷроияи ҲХДТ дар ноҳияи Мир Сайид Алии Ҳамадонӣ дар деҳаи Дӯстӣ, Ҷамоати деҳоти Меҳнатобод вохӯрӣ бо интихобкунандагон баргузор гардид.
Зимни вохӯрӣ мудири шуъбаи таблиғот, иттилоот Сайдалиев Гадоӣ қайд кард, ки дар Барномаи пешазинтихоботии номзад ба мансаби Президенти Ҷумҳурии Тоҷикистон аз Ҳизби Халқии Демократии Тоҷикистон муҳтарам Эмомалӣ Раҳмон омадааст- мо дар 7 соли оянда мақсад гузоштем, ки рушди устувори иқтисоди миллиро таъмин намоем, дар доираи татбиқи ҳадафи саноатикунонии босуръат бо ҷалби бахши хусусӣ корхонаҳои истеҳсолии нав бунёд кунем ва истеҳсоли маҳсулоти ба рақобати бозор тобовар ва ба содирот нигаронидашударо ба роҳ монда, тамоми иқтидорҳои мавҷударо дар ин самт сафарбар намоем.
Аз интихобкунандагон даъват ба амал оварда шуд, ки ба тарафдории номзади арзандаи ҲХДТ Рӯзи интихобот овоз диҳанд.
