ДӮСТӢ. Дар доираи Соли шинохти бештари манфиатҳои миллӣ. Аъзои Ситоди пешазинтихоботии ноҳиявии номзад ба мансаби Президенти Ҷумҳурии Тоҷикистон аз ҲХДТ дар ноҳияи Дӯстӣ ва гурӯҳи тарғиботии ҳизбӣ ҷиҳати таблиғу ташвиқи Барномаи пешазинтихоботии номзад ба мансаби Президенти Ҷумҳурии Тоҷикистон муҳтарам Эмомалӣ Раҳмон бо интихобкунанадагони деҳаи Нуробод суҳбату вохӯрӣ доир намуданд, ки дар рафти суҳбат аз Барномаи пешазинтихоботии номзад ва дастовардҳои он андешаронӣ карда шуд.
Сипас, дар раванди суҳбат намояндагони ҳизбӣ аз ҷамъомадагон ҷиҳати саҳм гузоштан дар корҳои ободониву созандагӣ, самаранок истифода бурдани заминҳои корам, расидан ба қадри дастовардҳои соҳибистиқлолии кишвар, аз ҷумла хизматҳои Роҳбари давлат муҳтарам Эмомалӣ Раҳмон дар тӯли 29 сол ва иштироки фаъолона дар рӯзи интихоботи дарпешистода даъват ба амал оварданд.
