ФАРХОР. Дар доираи Соли шинохти бештари манфиатҳои миллӣ. Гурӯҳи тарғиботии назди Кумитаи иҷроияи ҲХДТ дар ноҳияи Фархор бо мақсади шарҳу тавзеҳи Барномаи пешазинтихоботии номзад аз ҲХДТ ба мақоми Президенти Ҷумҳурии Тоҷикистон дар маҳали вобастшудаашон бо усули “хона ба хона” гардиш доир намуданд.
Зимни суҳбат масъулин бо аҳолӣ аз Барномаи пешазинтихоботии номзад ба мансаби Президенти Ҷумҳурии Тоҷикистон муҳтарам Эмомалӣ Раҳмон иқтибосҳо оварда, иброз доштанд, ки мақсади муҳимтарини мо дар ин самт баланд бардоштани фарҳанги сиёсии шаҳрвандони мамлакат ба шумор рафта, ҳадафи асосӣ устувору пойдор гардонидани пояҳои давлати соҳибихтиёр, демократӣ, ҳуқуқбунёд, дунявӣ ва иҷтимоӣ мебошад.
